Presidenti i Kosovës, Hashim Thaçi, i cili ndodhet për një vizitë në SHBA, ka thënë se asnjë politikan nga Kosova nuk është i ftuar në inagurimin e presidentit të ri amerikan, Donald Trump, më 20 janar.
“Shtetet do të përfaqësohen vetëm nga ambasadorët dhe asnjë delegacion i huaj nuk ftohet të marrë pjesë – as nga Kosova, as nga vendet e tjera”, ka thënëThaçi.
“Asnjë shtet nuk do të përfaqësohet nga bartësit e institucioneve, por vetëm nga ambasadorët në Uashington”, ka theksuar Thaçi.
“Në ceremonitë private mund të marrë pjesë kush të dojë. Disa janë të hapura, disa me bileta deri në 500 dollarë”, ka treguar presidenti.
Thaçi po ashtu ka zbuluar agjendën e tij të takimeve në Uashington.
Ai ka thënë se në ditët e ardhshme, gjatë qëndrimit të tij në SHBA, do të takohet me zyrtarë të administratës së presidentit në largim, Barack Obama, duke përfshirë nënpresidentin Joe Biden, dhe me senatorë demokratë e republikanë. (A.R/SHUPLAKA)
Discussion about this post