Presidenti i Kosovës Hashim Thaçi prej dy ditësh po zhvillon një vizitë zyrtare në SHBA. Në shumë prej takimeve një nga temat e bidedimeve ka qenë edhe arrestimi i Ramush Haradinjat në Francë. Në një takim me kongresmenin Engel, i njohur për qendrimet pro shqiptare, Thaçi dhe kongresmeni kanë dalë në një deklaratë të përbashkët.
Të dy ndajnë të njëjtin qëndrim se arrestimi i Haradinajt është një akt i pabazuar ligjërisht dhe se kjo do të përkeqësojë marrëdhëniet mes Kosovës dhe Serbisë.
“Ne besojmë se abuzimi nga ana e Serbisë me sistemin e ‘Njoftimit të Kuq’ të Interpolit që ka çuar në arrestimin e Ramush Haradinajt është skandaloz. Ne i bëjmë thirrje Francës që urgjentisht ta procesojë rastin dhe ta kthejë atë në vendin e tij në Kosovë sa më parë.
Shtetet e Bashkuara dhe Bashkimi Evropian duhet të bëjnë Serbinë përgjegjëse për shpërdorim të Interpolit nga ana e saj. Procesi i anëtarësimit të Serbisë në BE duhet të ndalet deri në momentin kur Serbia vazhdon me obligimin e saj për të normalizuar marrëdhëniet me Kosovën.
Gjithashtu, Shtetet e Bashkuara duhet t’ia bëjnë me dije Beogradit se marrëdhëniet dypalëshe do të dëmtohen nëse Serbia nuk i kthehet rrugës konstruktive”, thuhet në deklaratën e përbashkët. (E.K/SHUPLAKA)
Discussion about this post