Presidenti i Kosovës Hashim Thaçi ka folur në Samitin e Paqes për Europën Juglindore që po mbahet në Tiranë. Gjatë fjalës së tij në këtë Samit, Thaçi u shpreh se paqja e vendosur në Kosovë solli një qetësi për të gjithë ballkanin.
Thaçi tha se paqja afatgjatë e Ballkanit varet nga marrëveshja mes Serbisë dhe Kosovës, që duhet të konkludojë me njohjen reciproke mes të dy vendeve.
“Paqja për Kosovën, solli një entuziazëm për të gjithë ne. Paqja solli entuziazëm jo vetëm për qytetarët, por dhe politikanët. Askush në 1998 nuk do ta mendonte se një ditë e tillë do të vinte. Paqja afatgjatë e Ballkanit varet nga marrëveshja Kosovë-Serbi, duhet të përfundojë me njohjen reciproke. Jemi të vetëdijshëm për hamendjet e Brukselit ndaj Ballkanit. Në Kosovë po paguajmë çmimin për liberalizimin e vizave”, u shpreh Thaçi në fjalën e tij.
Discussion about this post