Përpjekja për rrëzimin e Gjykatës Speciale më 22 dhjetor të vitit të kaluar ka acaruar raportet e Haradinajt, Thacit dhe Veselit me Ambasadat e 5 vendeve perëndimore në Kosovë, veçmas me atë të SHBA’së. Si pasojë, Haradinajt i është pamundësuar udhëtimi drejt Amerikës për të marrë pjesë në një ceremoni në Ioëa. Në Zyrën e Presidentit thonë se Thaçi ka ftesë edhe vizë për Lutjet e Mëngjesit por nuk do të udhëtojë.
Presidenti i Kosovës Hashim Thaçi të cilët i reaguan ashpër ambasadat e huaja rreth iniciativës për shfuqizimin e ligjit për Gjykatën Speciale, me gjasë nuk do të udhëtojë drejt Shteteve të Bashkuara të Amerikës, në Lutjet e Mëngjesit.
Në Zyrën e Presidentit, në një prononcim për Gazetën Express kanë thënë se Thaçi nuk e ka konfirmuar se do të shkojë atje pavarësisht se ka ftesë dhe vizë amerikane.
“Sikur vitin e kaluar edhe këtë vit presidenti Thaçi ka pranuar ftesën për të marrë pjesë në Lutjet e Mëngjesit. Presidenti është i pajisur me vizë amerikane, por për shkak të agjendës së ngarkuar ende nuk e ka konfirmuar pjesëmarrjen” kanë thënë në Zyrën për Informim të Presidentit të Kosovës.
Ndryshe Thaçi është identifikuar si njëri nga liderët kryesorë që ka qëndruar prapa përpjekjeve për shfuqizimin e ligjit për Gjykatën Speciale.
Acarimi i marrëdhënieve të liderëvë kryesorë politikë të Kosovës me SHBA-të, sipas mediave ishte dhe shkaku për mosdhënien e vizës për kryeministrin Haradinaj për të udhëtuar drejt SHBA-ve. Kjo gjë shkaktoi debat në Kosovë pasi bëhej fjalë për acarim të marrëdhënieve me aleatin kryesorë të Kosovës por edhe shqiptarëve në tërësi. 9B.H/Faxweb)
Discussion about this post