Presidenti i Kosovës Hashim ka fajësuar Bashkimin Europian për arrestimin e ish-kryeministrit Ramush Haradinaj.
Sipas tij, BE duhet t’i bëjë të ditur Beogradit se Serbia nuk është Jugosllavi dhe se nuk ka juridiksion në territorin e Kosovës dhe nuk mund të sillet me qytetarët e Kosovës sikur të ishin qytetarë të saj.
Ai tha për Klan Kosova, se ajo që po ndodh me Haradinajn ka ndodhur edhe më parë, me vetë atë dhe disa ish-komandantë të tjerë që kanë poste politike.
“Kjo nuk do të duhej të ndodhte. Kemi kërkuar nga Bashkimi Evropian vazhdimisht të ndërhyjë në heqjen e fletëarresteve. Dua të shpreh zërin tim kritik për BE-në. Këto veprime po ndodhin me dijeninë e plotë dhe nën heshtjen e autoriteteve të Bashkimit Evropian. Pala kosovare nuk mund t’i vë kushte Serbisë, por të mbajë raport reciprociteti, por BE-ja duhet të jetë e qartë”, është shprehur Thaçi.
Thaçi ka shtuar se nuk mund të ndalet dialogu me Serbinë, dhe e vetmja palë që mund të ndërhyjë është BE-ja. (A.R/SHUPLAKA)
