Presidenti i Kosovës, Hashim Thaçi ka deklaruar se në Samitin e Parisit që do të mbahet më 1 korrik të këtij viti në Francë, do të kërkojë përkrahjen e presidentit Emanuel Macron, për idenë e bashkimit të Luginës së Preshevës me Kosovën.
“E shoh si të nevojshëm një korrigjim kufiri, pa e prekur asnjë centimetër të Republikës së Kosovës. Jam për korrigjim, jo për shkëmbim, dhe këtë ide do ta prezantoj në Paris”, ka deklaruar Thaçi, shkruan gazeta express.
Kjo mendohet të etë qenë edhe arsyeja kryesore e visitës së tij të djeshme në Tiranë dhe takimi me kryeministrin edi Rama ku pas këtij takimi me anë të një postimi në rrjetet sociale Thçi ndër të tjera shkruante se ishte diskutuar edhe për unifikimin e qëndrimeve për Samitin e Parisit.
“Si gjithmonë, kënaqësi takimi me kryeministrin Edi Rama. Biseduam për aktualitetet politike në Kosovë, Shqipëri dhe rajon, si dhe për përgatitjet e Kosovës për Samitin e Parisit”, ka shkruar Thaçi ditën e djeshme.
Një ide të tillë për bashkimin e Luginës së Preshevës Presidentin nuk e kishte përmendur më parë në Samitin e fundit në Berlin as në tryezën e përbashkët me liderët e rajonit dhe pritësit Macron e Merkel as gjatë konferencave për shtyp mem këta dy të fundit.
Në një intervistë ë dhënë së fundmi për ‘Der Spiegel’, ka deklaruar që synon bashkimin e Luginës së Preshevës me Kosovën përmes hapjes së kufijve, por jo duke i ndryshuar kufijtë shtetërorë.
“Kjo kurrë nuk ka qenë ide e imja, por ashtu disi u krijua. Sidoqoftë, unë do të doja që zonat e banuara me popullatë shqiptare në Luginën e Preshevës, Bujanovcit dhe Medvegjës të jenë më afër Kosovës, përmes kufijve të hapur, por pa ndryshuar kufijtë, madje as një centimetër. Atje shqiptarët diskriminohen nga serbët”, ka thënë Thaçi për Der Spiegel kur është pyetur rreth idesë së shkëmbimit të territoreve mes Kosovës dhe Serbisë.
(F.GJ/FAXWEB.AL)
