Presidenti i Republikës së Kosovës, Hashim Thaçi gjendet në SHBA, ku u prit nga presidenti i Shteteve të Bashkuar të Amerikës, Donald Trump.
Po kështu, Thaçi pritet të ketë të tjera takime zyrtare në Iowa dhe New York. Kështu, në Des Moines, kryeqytetin e Iowa-s, me të cilin është binjakëzuar Kosova, presidenti Thaçi do të vizitojë pjesëtarët e FSK-së që janë duke ndjekur trajnime në Gardën Kombëtare të shtetit të Iowa-s.
Gjithashtu, Thaçi do të takojë studentet kosovare që kanë shkuar të ndjekin studimet postdiplomike në kuadër të programit “Gratë në energji” të “MFK”.
Listës së takimeve i bashkohet ndjekja e punimeve të Asamblesë së Përgjithshme të Kombeve të Bashkuara si dhe darka e shtruar nga Përfaqësuesja e Lartë e BE-së, Federica Mogherini, për liderët e Ballkanit Perëndimor.
Discussion about this post