Presidenti i Kosovës Hashim Thaçi mesa duket do paditet përsëri në Gjykatë Kushtetuese kësaj here për ambasadorët që pretendohet u ka mbaruar afati dhe ai akoma nuk po bën të mundur kthimin e tyre nga vendet ku shërbejnë.
Kështu, Qeveria e Presidenca mund të kenë një tjetër përballje në Gjykatën Kushtetuese dhe shkak është propozimi për kthimin e 7 ambasadorëve politikë nga misionet diplomatike, por ky proces është bllokuar. Ministria e Jashtme që udhëhiqet nga Glauk Konjufca, thotë se presidenti Hashim Thaçi qëllimshëm po pengon kthimin e ambasadorëve me mandat të skaduar.
Por, paraprakisht nga MPJD-ja thonë se do t’i dërgojnë një tjetër letër rikujtuese për dekretimin e tyre.
Më 3 mars, Ministria e Jashtme ka njoftuar se janë propozuar për t’u larguar nga misionet diplomatike ambasadorët politikë që iu ka përfunduar mandati 4-vjeçar, në mesin e tyre edhe ambasadorja e Kosovës në SHBA, Vlora Çitaku.
Discussion about this post