Presidenti i Kosovës, Hashim Thaçi, ka zhvilluar një takim me ministren sllovene të Mbrojtjes, me të cilën ka folur ndër të tjera dhe për formimin e ushtrisë së Kosovës. Mediat vendase shkruajnë se presidenti e njoftoi ministren Andreja Katic për bashkëpunimin rajonal të Kosovës.
“Kemi bashkëpunim të mirë bilateral, bashkëpunim politik, ekonomik dhe kulturor me vendet e rajonit, madje edhe me ato që nuk e kanë njohur Kosovën”, ka thënë presidenti Thaçi.
Më tej duke u ndalur tek transformimi i FSK-së, ai siguroi se ushtria e Kosovës do të jetë forcë profesionale, e formuar në përputhje me standardet e NATO-s, në shërbim të qytetarëve të Kosovës.
(XH.A/SHUPLAKA)
