Ditëlindja e Presidentit Hashim Thaçi ka sjellë debat në Serbi pas urimit që Televizioni Shtetëror I Serbisë (RTS) ka uruar kreun e shtetit të Kosovës.
Në mediat serbe e kanë quajtur këtë artikull skandaloz duke shkruar “RTS uron ditëlindjen e Thaçit, shkrim skandaloz i mediumit që funksionon me para të taksapaguesve serbë”.
“Në faqen e internetit të RTS për disa orë pati një njoftim në seksionin ‘Vremeplov’, i cili festonte ditëlindjen e Presidentit të shtetit të rremë të Kosovës, Hashim Thaçi”.
Bordi redaktues i portalit RTS lëshoi një falje të vakët, me arsyetimin se përmbajtja ishte ngarkuar automatikisht në portal dhe se “nuk kishte asnjë vërejtje për këtë seksion ndër vite, kështu që ky gabim nuk u vu re derisa reaguan lexuesit e portalit”, thuhet në mediat serbe.
Postimi në fjalë është fshirë dhe ju kujtojmë se ky nuk është një rast i vetëm nga pakujdesia që kufizohet me fyerjet ndaj shërbimit publik.
