Theren me thikë 3 nxënës brenda shkollës, njëri në gjendje të rëndë

Një ngjarje e rëndë ka ndodhur në një shkollë të Prishtinës ku tre nxënës janë plagosur pas një konflikti në të cilin janë përdorur edhe thika.

Ngjarja ka ndodhur brenda një klase në shkollën e Bujqësisë në kryeqytetin e Kosovës dhe mësohet se njëri prej nxënësve është në gjendje kritike për jetën.

Lajmin e ka konfirmuar Flora Ahmeti nga zyra për mediat në policinë rajonalë të Prishtinës.

“Tre persona janë të lënduar në një shkollë në Prishtinë. Më vonë do të lëshojmë një komunikatë për media”, tha Ahmeti.

Ndërsa, mësohet se brenda shkollës therja me thikë ka ndodhur brenda klasës gjatë pushimit të orarit mësimor.

“Policia është në shkollë. Një nxënës është në gjendje më të rëndë e dy të tjerë kanë pësuar më pak lëndime”, tha një burim për Gazetën Exspress.

Ndërkohë ende nuk janë mësuar shkaqet dhe rrethanat e ngjarjes.

(F.GJ/FAXWEB.AL)