Britania e Madhe do të shkojë në zgjedhje të parakohshme më 8 qershor. Lajmi u bë i ditur ditën e djeshme nga kryeministrja britanike Theresa May.
Ky vendim që shkaktoi pështjellim nuk është mirëpritur nga të gjithë, duke pasur nga ata që e kanë cilësuar si “oportunizëm politik” të kryeministres. Por Theresa May i ka hedhur poshtë këto akuza, se ajo kishte për qëllim të shtypte opozitën, duke refuzuar edhe një debat televiziv me Jeremy Corbyn e laburistëve.
May e ka përligjur thirrjen e zgjedhjeve të parakohshme me sigurimin e mbështetjes së britanikëve për negociatat e Brexit-it
Tashmë pritet që ky vendim të marrë miratimin e parlamentarëve. Mendohet se ata janë gati që të japin miratimin e tyre për mbajtjen e zgjedhjeve të parakohshme. Autorizimi që të bëhet më i mundshëm ka nevojë për reagimin pozitiv të Corbyn-it.
(XH.A/SHUPLAKA)
