Theret barbarisht futbollisti shqiptar në parking makinash, dalin fotot

Rreth 1 javë nga plagosja me thikë e një futbollisti shqiptar kanë rënë në prangat e policisë 2 autorët e dyshuar të krimit. Sipas medias italiane në pranga kanë përfunduar reperët Juri Margini 20 vjeç dhe Emilio Finizio 36 vjec, pasi dyshohet se kanë plagosur me thikë në një parking në qytetin e Scandiano shqiptarin Aldi Shpijati, 21 vjeç, i cili njihet si futbollist në Itali.

Mësohet se 21-vjecari që luan si sulmues me ekipin e Arçetanas ndodhet në gjendje të rëndë në spitalin Maria Nuova di Reggio, ndërsa i është nënshtruar dy operacioneve.
Aldi Shpijati
Raportohet se 2 këngëtarët italianë akuzohen për veprën penale “tentativë vrasje” ndaj shqiptarit pas një sherri mes tyre për motive të dobëta.