Dy javë pas vrasjes së 7-vjeçarit nga Kosova, autorja e këtij krimi makabër, 75- vjeçarja zvicierane ka treguar arsyen pse kreu krimin.
E moshuara nga Zvicra ka rrëfyer se e ka kryer aktin në mënyrë që ta dëgjonin të tjerët, pasi ajo nuk po lejohej që të kthehej në banesën e saj.
75 vjeçarja u shpreh:
Më kishin dëbuar nga banesa ime, kështu duke mos më dhënë mundësi për t’u kthyer më në të. Askush nuk më dëgjonte tek autoritetet. Kështu që duhet të bëja diçka, në mënyrë që të dëgjohesha”.
Zvicerania e vrau 7-vjeçarin më 21 mars, teksa ai po kthehej nga shkolla. Ngjarja e rëndë ndodhi në Basel dhe menjëherë pas krimit 75-vjeçarja njoftoi autoritetet se kishte vrarë një fëmijë duke e prerë në fyt.
Nxënësi i shkollës fillore u gjet në rrugë nga një mësuese, e cila njoftoi menjëherë ambulancën për të shpëtuar të miturin, por ky i fundit ndërroi jetë në spital.
Mediat zviceriane raportojnë se e moshuara ishte e njohur për dekada si një person që bënte probleme, veçanërisht pas humbjes së banesës së saj.
(E.K/FAXWEB.AL)
