Kapiteni i Partizanit Alban Hoxha, është diskutuar shumë prej disa ditësh, për shkak se ka thyer rregulloren duke mos u paraqitur në skuadër pas ndeshjes me Kombëtaren.
Ditën e sotme, portieri ka kërkuar falje sipas rregullave të drejtuesve duke hequr kështu dorë edhe nga shiriti i kapitenit.
“Klubi ka vendosur një rregullore të brendshme, të cilën unë dhe shokët e mi duhet ta respektojmë. Kur kjo rregullore nuk respektohet unë marr përsipër përgjegjësitë.
I kërkoj falje klubit, stafit teknik dhe shokëve të skuadrës. Për këtë arsye dorëzoj edhe shiritin e kapitenit për të dhënë shembull për të gjithë.
Jam gati të rikthehem në vendin tim, pranë skuadrës dhe të jem në dispozicion të klubit, trajnerit dhe ekipit për të mirën e Partizanit.”, shkruan Hoxha në faqen zyrtare të skuadrës. (D.D/Shuplaka)
Discussion about this post