Thirri në seli për 90 minuta krerët e degëve të PD-së, për çfarë i informoi Basha ata

Kreu i Partisë Demokratike Lulzim Basha, mblodhi sot krerët e degëve të kësaj force politike. Mbledhja u zhvillua në selinë e Partisë Demokratike dhe zgjati rreth 90 minuta.

Gjatë këtij takimi, Basha ka informuar 68 krerët e PD-së në rrethe mbi vendimin e marrë në mbledhjen e Kryesisë së partisë. Po ashtu mësohet se ka dhënë udhëzime për analizën në seksione, që sipas kryetarit do shoqërohet nga një proces ristrukturimi i PD-së.

Ky takim vjen dy ditë pas mbledhjes së Kryesisë që u shoqërua me përplasje të forta, mbi të gjitha mes Jemin Gjanës dhe Valbona Mezinit. (D.D/Shuplaka)