Pas thirrjes për paraqitje nga prokuroria për kreun e PD-së Lulzim Basha ditën e hënë, duke cilësuar se do të merret me forcë së bashku me ish-zyrtarët e tjerë demokrat nëse nuk paraqitet, ka reaguar deputeti Lefter Maliqi.
Përmes një postimi në rrjetet sociale Maliqi shprehet se: “S’ka të ndalur kalorësi i Rilindjes që i pushton të gjitha trojet, që sot pushtoj e nënshtroj parlamentin,ka pushtuar prokurorin,drejtesin,KQZ,SHIKU-n,po pushton Presidencën,Pushtetin Lokal dhe se fundmi dhe Opoziten.”, ndërsa shton se: “Mëndja gjë e madhe,zot na ruaj.”-përfundon shkrimin e tij Maliqi.
Kujtojmë se, Prokuroria do të marrë si të pandehur kreun e PD-së Lulzim Basha për çështjen e kontratatve të lobimit në SHBA në perjudhën zgjedhore të 2017. Kryedemokratit i është dërguar ditën e djeshme një fletë-thirrje për t’u paraqitur ditën e hënë, më 17 qershor në orën 09:30, në prokurorinë e Tiranës ku do i komunikohet edhe zyrtarisht akuza që është ngritur kundër tyre.
Në shkresën e firmosur nga prokurorët e çështjes Ervin Karanxha, Gjergji Tako dhe Kole Hysenaj, theksohet se nëse Basha së bashku me Ristanin dhe Dervishin nuk paraqiten do të shoqërohet me forcë.
Postimi i plotë i Maliqit:
Skandal Kryeprokurori,Kryepolici ,Kalorësi i Rilindjes ,urdheron marrjen të pandehur të Kryetarit të Opozitës,dhe nese nuk paraqitet do urdhëroj shoqërimin forcërisht të tij.Ska të ndalur kalorësi me ushtrin e rilindjes ka shpallur lufte me opoziten eshte kundra marrveshjeve.Kaloresi po i pushton te gjitha trojet,sot pushtoj e nënshtroj parlamentin,ka pushtuar prokurorin,drejtesin,KQZ,SHIKU-n,po pushton Presidencën,Pushtetin Lokal dhe se fundmi dhe Opoziten.
Shtetet fqinj Italia,Greqia,Maqedonia,Mali i Zi në gadishmëri po ruajnë kufijtë nga Lideri Global,Zot na ruajt ku po përfundojmë,luftuam per liri,demokraci,shembem diktaturen në 1990 ,jemi per paqe.Por kalorësit nuk i ndalet shpata do dhe kokën e kreut te shtetit,kreut te opozites nuk ngopet do shume me teper troje,pushtet ,sundime. Mëndja gjë e madhe,zot na ruaj.?
Discussion about this post