Deputetja e LSI, Kejdi Mehmetaj, e ka quajtur të turpshme thirrjen e kryeministrit për policinë e shtetit për t’u angazhuar në fushatë për PS-në.
“Nuk ka turp më të madh se sa kur një kryeministër i kërkon policisë së shtetit të përzihet në fushatë,” shkruan Mehmetaj
Ajo deklaron kryeministri nuk ka kuptuar që nuk mund ta ndal vrullin e të rinjve shqiptar. që kanë marrë përsipër të shfarrosin farën e krimit dhe të drogës duke votuar LSI-në.
SHKRIMI I PLOTË:
Nuk ka turp më të madh se sa kur një kryeministër i kërkon policisë së shtetit të përzihet në fushatë. ??
Nuk ka turp më të madh se kur një kryeministër, nga frika e humbjes së thellë, nxit banditët e këtij vendi të ushtrojnë dhunë dhe presion ndaj të rinjve dhe të rejave, ndaj qytetarëve të nderuar të këtij vendi. Nuk ka turp më të madh se kur një drejtor policie, shpërdëron detyrën duke mos mbrojtur qytetarët, por bandat kriminale. Nuk ka turp më të madh se kjo polici shteti, që kontrollon dhe presionon mbështetësit e LSI dhe familjarët e tyre, ndërkohë që plantacione të tëra droge lulëzojnë në të gjithë Shqipërinë.
Ajo që nuk ka kuptuar ky kryeministër në largim është që nuk do të arrijë kurrsesi të ndaloj vrullin e qindra mijëra të rinjve shqiptarë që kanë marrë përsipër të shfarrosin farën e krimit dhe të drogës duke votuar LSI1⃣ më 25 qershor!
Në emër të të rinjve shqiptarë, i bëj thirrje policëve të ndershëm të distancohen menjëherë nga çdo sulm e presion politik që u është kërkuar të bëjnë. I bëj thirrje të gjithë mbështetësve dhe simpatizantëve të LSI, të mos tuten, pasi kush prek një qytetarë të këtij vendi, do ti duhet të përballet me forcën e rinisë shqiptare.
Përgjigjen më të mirë do e marrin të gjithë në 25 qershor. ? (B.H/Shuplaka)
