Saimir Tahiri nuk e quan kurrsesi dorëzim faktin që dogji mandatin, e megjithatë sot tha shumë në lidhje me skenën politike në vendin tonë.
Ai foli për palaço, për pazarxhinjtë, ku mes të tjerave tha dhe se kishte marrë oferta që të thoshte se Edi Rama ishte koka e trafikut dhe jo ai vetë.
“Tani janë bërë të gjithë bashkë përballë meje e pushka top tu bëhet unë këtu jam e do ua dal”, tha Tahiri në konferencën për mediat.
“Njëri vinte më sugjeronte thuaj ‘nuk isha unë, po Edi Rama koka e trafikut të drogës’ e kështu shpëtoja nga të gjitha. Tjetri thoshte mos të flisja se nuk është punë pasioni e nerva po llogarish.
Unë heshta e pazarxhinjtë dolën në treg, nuk më kanë njohur aq sa ta kuptonin se nuk ka qenë se nuk e dija po nuk doja që armiqtë, hajdutët e pazarxhinjtë t’i mbaja në krah. Unë kam zgjedhur ti vë përballë e nuk ka pasur e as nuk ka asnjë lloj privilegji të më bëjë të ndryshojë mendje dhe sot.
Akuzat për policinë pasardhësi im ia kaloi dhe Saliut dhe Lulit. Këta që më akuzojnë mua sot nga dolën kaq të dhimbsur për fushat që dolën me hashash”, tha Tahiri.
(E.K/FAXWEB.AL)
Discussion about this post