Një biznes në zonën e Lezhës ka rënë pre e grabitjes mbrëmjen e djeshme. Biznesi tregtonte elektro-shtëpiakesh dhe pajisjesh elektronike.
Autorët kanë qenë të maskuar dhe të armatosur, ndërsa kanë thyer derën dhe kanë marrë kasafortën dhe disa telefona, mes tyre edhe IPhone 7.
Në momentin që dy autorët, të maskuar dhe me një çantë në dorë kanë thyer derën me varre, pamjet janë filmuar nga kamera e sigurisë dhe transmetuar nga ‘’Report Tv”.
Në pak sekonda ata kanë arritur që të marrin kasafortën dhe telefonat duke u larguar me shpejtësi.
Ndërsa pas alarmit policia ka mbërritur në vendin e ngjarjes duke nisur hetimet.
Grupi hetimor ka nisur punën nga kamerat e sigurisë dhe gjurmët që autorët kanë lënë në vendin e ngjarjes për t’i identifikuar dhe arrestuar.
Nga të dhënat e para mësohet se autorët janë larguar me një makina pa targa pas grabitjes së biznesit në hyrje të qytetit të Lezhës, te rrethrrotullimi.
Pas ngjarjes, pronari i biznesit ka deklaruar se në kasafortë ndodhej një sasi e vogël parash, ndërsa dëmi më i madh është shkaktuar nga telefonat që janë grabitur.
(E.K/SHUPLAKA)
Discussion about this post