Dy të rinj kanë rënë në prangat e policisë së Kavajës teksa tentuan të vidhnin një argjendari.
Fax News raporton se shtetasit e rënë në pranga janë, Aurel Hekurani, 36 vjeç, banues në Kavajë dhe Rifan Rrushi, 34 vjeç, banues në Kavajë.
Të dy të arrestuarit kanë qenë të dënuar më parë për veprën penale të “Prodhimi dhe shitja e narkotikëve”.
NJOFTIMI I POLICISË
Tentuan të vjedhin një argjendari dhe një dyqan me artikuj të ndryshëm kapen dhe arrestohen në flagrancë 2 shtetas.
Shërbimet e Policisë të Komisariatit Kavajë, arrestuan në flagrancë shtetasit :
- Aurel Hekurani, 36 vjeç, banues në Kavajë,
- Rifan Rrushi, 34 vjeç, banues në Kavajë, të dy të dënuar më parë për veprën penale të “Prodhimi dhe shitja e narkotikëve”.
Arrestimi i këtyre shtetasve u bë pasi më datë 21.02.2018, rreth orës 23:00 , në lagjien nr 3 Kavajë në Tregun Industrial Kavajë, u kapën në flagrancë duke tentuar të vjedhin dyqanin e artikujve të ndryshëm industriale dhe argjendarinë e shtetasit R. A., 60 vjeç.
Gjatë kontrollit fizik shtetasve të mësipërm në momentin e kapjes ju gjet dhe sekuestrua në cilësinë e provës materiale një çekiç metalik. Materialet proçeduriale iu kaluan Prokurorisë pranë Rrethit Gjyqësor Kavajë për veprat penale parashikuar në Nenet 134/2 dhe 22 të Kodit Penal.
(F.M/Faxweb)
Discussion about this post