Një çift të moshuarish kanë hyrë në vitin e 80 të martesës, duke shënuar kështu edhe nje rekord botëror. Ata kanë thyer rekordin botëror Gines për lidhjen martesore më jetëgjatë në botë.
Bashkëshortët Masao dhe Mijako Matsumoto jetojnë në Japoni. Njëri është 108 dhe tjetra 100 vjeç.
Martesën e lidhën në vitin 1937, por bashkëshorti Masao u bë pjesë e ushtrisë japoneze në Luftën e Dytë Botërore dhe u dërgua jashtë vendit. Pas kapitullimit të Japonisë, çifti u ribashkua pa ceremoni martesore dhe rriti 5 vajza që sot janë mes moshave 66 deri 77 vjeç. Kanë 13 nipër, ndërsa stërnipi i 25-të lindi muajin e kaluar.
Në 80-vjetorin e martesës që i bëri ata rekordmbajtës të Ginesit, ata bënë në mënyrë simbolike një ceremoni festive martesore, të cilën deri më sot nuk e kishin bërë.
