“Po më kërkon të dalim bashkë? Ti e di që kam të dashur”. Me këto fjalë sipas aktores Salma Hayek i është drejtuar Donald Trump, duke tentuar ta joshë atë dikur. Të pakën kështu është rrëfyer në media aktorja e njohur.
Rrëfimin e saj, aktorja 50-vjeçare e bëri gjatë emisionit “The Daily Show” me Trevor Noah, ku tha më shaka se fatmirësisht, miliarderi nuk ishte përpjekur ta prekte me forcë atë.
“Ishte shumë i hijshëm në fillim, shumë i këndshëm. Më përshëndeti e u prezantua. Paskësaj, ai nuk tregoi ndonjë interes të madh ndaj meje, por nisi te bisedimet me njeriun që kisha në krah, duke u përpjekur të miqësohej me të. E ftoi për darkë. Ne shkuam dhe gjatë gjithë kohës, ai fliste me të dashurin tim. Pastaj na ftoi në hotelin e tij në “Atlantic City” dhe pasi shkëmbyem numrat, nuk foli më kurrë me ish-in tim, por më mori mua në telefon e më kërkoi të dilnim bashkë. Unë i thashë: çfarë po thua, po i dashuri im? Ti e di fare mirë që e kam një të tillë. Përgjigja ishte: Ai njeri nuk është i mirë sa duket për ty. Nuk është i rëndësishëm. Ti duhet të dalësh patjetër me mua. Më mbyti me telefonata”, shprehet Hyaek. (J.V/Shuplaka)
Discussion about this post