Ish-kryeministri Sali Berisha ka reaguar pas vizitës së kryeministrit Edi Rama në Shkodër, ku mes batutave me qytetarët, padashur legjitimoi dhunën në familje.
Pasi Rama ka dëgjuar shqetësimet e qytetarëve, një burrë është ngritur dhe në një pjesë të fjalës së tij tha: “Me shku në shtëpi na rref gruaja”.
“Ti e meriton”, ishte batuta e Ramës e cila shkaktoi të qeshura tek të pranishmit, mirëpo nuk u përcoll në të njëjtën mënyrë në media apo ndër kundërshtarët e tij.
“Skandal! Rama ne mexhlise mbeshtet dhunen ne familje: “Ti e meriton qe te rref gruaja”, i thote ai nje diskutanti ne mexhlis.
Sipas tij, dajaku ne mes te bashkeshorteve qenka i merituar. Kjo eshte nje veper penale, nxitje dhune familjare. Ne Burgjet e Shqiperise jane me dhjetra bashkeshorte qe kane vrare apo plagosur bashkshortin apo bashkeshorten.
Se nga niset konkretisht Edvini per nje perfundim te tille skandaloz, une nuk e di, por ajo qe dihet boterisht per te, eshte se ai behet kollaj i dhunshem dhe eshte i pasur ne episode dhune!”, shkruan Berisha. (D.D/Shuplaka)
Discussion about this post