“Ti goce çfarë do këtu”, Kejdi Mehmetaj tregon vitin e parë si deputete

Është fare e re në moshë po Kejdi Memetaj është një nga deputetet më aktive në Kuvend. Ndërsa në kuzhinë ka rezultuar një shefe e vërtetë.

Ajo ka qenë e ftuara e rradhës në emisionin ‘’Kush vjen për drekë”, ndërsa ka rrëfyer dhe disa histori interesante.

Për ditët e parë në Kuvend ajo është shprehur se është ndjerë e diskriminuar, ndërsa deputetë të tjerë e pyesnin se çfarë donte aty.

‘Tashmë të rinjtë e kanë më të thjeshtë, se nuk u thotë më njeri tek hyrja e parlamentit: ‘Ti goce çfarë do këtu?’ Në vitin e parë më ka ndodhur përditë!’-rrëfeu Kejdi Mehmetaj.  

Sigurisht që tashmë skena të tilla zor se përsëriten pasi deputetja ka arritur të tregojë vlerat e saj dhe të shpreh mbështetjen e plotë ndaj shqetësimeve të të rinjve. 

Së bashku me të në emisionin e sotshëm ka qenë i ftuar dhe gazetari sportiv Dritan Shakohoxha që mund të themi pa frikë ka qenë një rrëmujaxhi në kuzhinë.

(E.K/SHUPLAKA)