Kreu i Bashkisë Erion Veliaj ka paraqitur në komisionin hetimor për inceneratorët disa pamje ku shihen bisedat në celularin e kryetares Jorida Tabaku, e cila duket se bisedon me shefen e PR në PD Desada Metaj.
Tabaku ka kërkuar menjëherë nga kryetarja e Kuvendit që të urdhërojë Gardën të marrë masa për kamerat e Kuvendit që të mos lexohen celularët dhe mesazhet që shkëmbejnë deputetet.
Por burime bëjnë me dije se fotot që Veliaj i kishte printuar janë bërë nga një fotograf në Kuvend, pasi janë të një cilësie të lartë.
Debatet:
Veliaj: Më fal po ju paskeni lënë nam ndërkohë që kemi qenë në seancë, suflerët ju cojnë pyetje si të më pengoni? Paska dal në gjithë portalet po mirë o keni cipë?
Tabaku: S’e kuptova
Veliaj: Nuk është për Belindin.
Tabaku: Keni marrë kamerat e Kuvendit?
Veliaj: Kamerat i keni live ju.
Tabaku: Kamerat që po xhirojnë celularët e deputetëve? Këtë s’po kuptoj.
Veliaj: Belind s’e kam për ty se shtëpia e lirisë është në rregull.
Tabaku: Keni marrë kamerat e Kuvendit për celularët? I bëj thirrje kryetarës së Kuvendit te marrë masa Garda menjëherë për kamerat e Kuvendit që lexojnë celularët e deputetëve në komision, turp.
Veliaj: Kjo që bëni e turpshme, e bën vetëm një pjesë e opozitës mos u shqetëso. Zëdhënësja ju jep, Desada është shoqja jonë po keni lënë nam.
Tabaku: Keni marrë kamerat e Kuvendit, e turpshme.
Veliaj: Po goc Samiu dhe ti çon pyetjet Desada? Po s’ke turp?
Tabaku: Jam krenare që jam shoqe e Desadës, dhe thotë se ju bën të fala, e ndaj jush do të ngrihet një padi për shkelje të privatësisë.
