Fotoja e kreut të LIBRA-s Ben Blushi me Lul Berishën gjatë një takimi elektoral në Durrës, ka ngjallur debat mes ish-deputetit socialist dhe gazetares Anila Basha e cila ishte e ftuar në emisionin “Opinion”.
Basha këmbëngulte që Blushi duhet të njihte kriminelët dhe nuk e pranonte faktin që ata kanë dalë në foto sëbashku, Blushi është shprehur se ky ishte një kurth që sipas tij u bë nga zyra e shtypit të qeverisë.
Në debat e sipër Blushi e ka quajtur gazetaren si “Votuese të Rilindjes”.
Pjesë nga debati:
Blushi: Ti mendon se jam me atë kriminel?
Basha: Jo, unë mendoj se duhet t’i njIhni njerëzit. Nuk jam dakort edhe me atë që në fushatë i hedh dorën çdokujt.
Ben Blushi: Shiko ça thotë kjo votuesja e Rilindjes. Thotë e ke fajin ti që nuk e njeh kriminelin, e thotë nuk e ka fajin ai që e ka nxjerrë nga burgu. Po ky që e nxorri nga burgu?
Basha: Ju keni qenë kryeredaktor, që ndiqni shtypin, të mos merrni vesh se kush është ai?!
Blushi: Këtë akuzë e pranoj.
Basha: STOP sulmit ndaj meje. I hap faqet e gazetës? Unë nuk jam votuesja e Rilindjes, po ju bëj disa pyetje.
Blushi: Më bën nder që më akuzon. Unë nuk njoh asnjë kriminel. Kush mban përgjësi? Unë? Në muajin Janar kam mbajtur 3 fjalime ndaj Ramës, Dakos dhe Lul Berishës. Ai më zuri pritë, duhet të më kishit mbrojtur.
Basha: Unë s’e kuptoj si nuk e ke njohur?
Blushi: Po si mund të njoh një kriminel në burg?
(M.D/Shuplaka)
