Presidenti i Komisionit Evropian, Jean-Claude Juncker ka bërë publike për mediat një cilësim të befasishëm që presidenti i SHBA i ka bërë atij, duke e quajtur vrasës brutal.
“Jean-Claude – je një vrasës brutal “!
Sipas Juncker, i cili mori pjesë në takimin e udhëheqësve të G7-s në Kanada javën e kaluar, kjo ishte fjalia që Trump ia tha atij në takimin e tyre ballë për ballë.
“Kjo është hera e parë që Luksemburgu është bërë një rrezik i tillë për Shtetet e Bashkuara”, ironizoi Juncker më pas me pohimin e Trump.
“Unë mendoj se ai e konsideroi atë si një kompliment, por unë nuk jam i sigurt”, theksoi Presidenti i KE-së.
Samiti i G7 nuk arriti të shërojë një përçarje të thellë midis Shteteve të Bashkuara dhe fuqive të tjera aleate, shumë prej të cilave Trump i akuzon për politika tregtare që disavantazhojnë padrejtësisht Shtetet e Bashkuara. Vendet e Bashkimit Evropian të enjten mbështetën njëzëri një plan për të imponuar detyrime të importit për produktet me vlerë prej 2.8 miliardë euro (US $ 3.3 miliardë), në përgjigje të tarifave të SHBA-ve për çelikun dhe aluminin e BE-së.
“Ne nuk mund të lëmë tarifat pa përgjigje. Nuk dua të luftoj aspak, por nuk pranoj që ne të na diktojë dikush tjetër atë çfarë duhet të bëjmë në Evropë”, tha Juncker.
“Ky është një kontinent i pavarur. Shumë prej nesh kanë luftuar për këtë”, theksoi ai.
