Derbi i kryeqytetit pak ditë më parë ndërmjet Tiranës dhe Partizanit, nisi me përleshje masive ndërmjet dy tifozerive duke ofruar një pamje aspak të këndshme për futbollin në vend.
Pas këtyre përleshjve, i ftuar në “Procesin Sportiv”, deputeti Kujtim Gjuzi lidhur me këtë ngjarje të shëmtuar, “sulmoi” drejtorin e përgjithshëm të Partizanit, Olsi Rama, i cili është njëkohësisht vëllai i kryeministrit Rama.
“Je familje kryeministrore, ndaj ke përgjegjësi për dhunën në stadium!”, u shpreh Gjuzi. Olsi Rama iu përgjigj duke thënë se nuk gjen asnjë justifikim për çfarë ndodhi, por sipas tij, ekipi organizator ka të drejtën për marrjen e masave, në rastet kur është ekip pritës.
“Nuk është aspak e bukur. Dekori ishte i papranueshëm.”, tha ai. Gjuzi ndërhyri sërish duke përfshirë edhe politikën në mes, teksa u shpreh se “partizanët i kanë eleminuar fizikisht gjyshin.”
