Grupi i tifozëve “Illyrian Elite”, të cilët ishin pjesë e protestës së sotme të zhvilluar përpara Kryeministrisë, kanë reaguar pas përfundimit të protestës.
Sipas tifogrupit, që në momentin kur është dhënë lajmi që Gjykata e Dubrovnikut kërkonte ekstradimin e Ismail Morinës, ata e kanë ndjerë detyrim kombëtarë që të ngrejnë zërin dhe t’i dalin në mbojtje bashkëkombësit të tyre.
Po ashtu, tifogrupi vërteton lajmet se dy prej protestuesve u arrestuan nga policia dhe gjenden në komisariat. Mirëpo nuk jepen ende emrat e tyre.
“Pasi morem lajmin qe gjykata e Dubrovnikut kishte dhene lejen per ekstradimin e Ismail Morines ne Serbi, ne natyrisht qe e patem obligim kombtar qe te ngrem zerin dhe te kerkojm qe shteti Shqiptar te bej presion ndaj vendimit qe mori gjykata Kroate. Protesta u realizua sot para Kryeministris dhe me tej drejte Ambasades Kroate ne Tirane. Falemenderojm gjithe atyre qe ju bashkangjiten thirrjes ton dhe i jemi mirnjohes te gjitheve qe u bashkangjiten ne kete protest.
Nderkohe, dy antare ton u arrestuan pas protestes pa asnje arsye dhe ende gjenden ne Komisiarat pa asnje arsye por eshte e qart qe keti shteti i pengon zeri popullit.”, thuhet në deklaratën e grupit të tifozëve “Illyrian Elite”.
Kujtojmë se pak më herët, avokati altin goxhaj tha se njëri prej të arrestuarve ishte Gentian Gjonaj, i cili luante rolin e kryeministrit Edi Rama në spotin e Partisë Demokratike. (D.D/Shuplaka)
