Ka nisur protesta e tifogrupit të Kombëtares shqiptare “Tifozat Kuq e Zi”, përpara Kryeministrisë, ashtu siç ishte paralajmëruar një ditë më parë.
Protestuesit i bëjnë thirrje kryeministrit Edi Rama dhe qeverisë shqiptare, që të mos lejojë ekstradimit të Ismail Morinës në Serbi.
Kujtojmë se Ismail Morina, i njohur si “Ballisti”, në vitin 2014 ngriti dronin në stadiumin e Beogradit, në ndeshjen Serbi-Shqipëri.
Në këto momente rrezikon ekstradimin drejt Serbisë pas vendimit të Gjykatës së Shkallës së Parë të Dubrovnikut në Kroaci. (D.D/Shuplaka)
