Pas pakënaqësive të shprehura në media nga grupimi i tifozave kuqezi dhe lajmërimi i tyre se do ta braktisin Kombëtaren, lajmi është përhapur në mediat ndërkombëtare.
Prej kohësh mes grupimit të tifozëve dhe Federatës Shqiptare ka pasur qëndrime të ndara përsa i përket shumë prej organizimeve që janë mbajtur në ndeshjet e Kombëtares. Në një komunikim të para disa ditësh ata janë shprehur që nuk do ta mbështesin Kombëtaren në ndeshjet që do të luhen në vend.
Mediat zvicerane kanë qenë të parat që kanë pasqyruar lajmin. Gazeta ‘’Blick’’, ka shkruar e para për bojkotin e tifozëve, duke cituar se vendimi i tyre për të mos ndjekur në shtëpi ndeshjet e Kombëtares, vjen si pasojë e pakënaqësisë së tyre për kontrollet e shtuara policore në stadiume.
Ndërkaq, në artikullin e gazetës zvicerane shpjegohet më tej se masat e marra në ndeshjen me Izraelin ishin të ekzagjeruara.
Discussion about this post