Klubi i Skënderbeut reagon një ditë pas sulmit që pësoi autobuzi i ekipit pësoi nga disa tifozë në përballjen e mbrëmshme me Tiranën.
Në një njoftim në faqen zyrtare në Facebook, drejtuesit e Skënderbeut kërkojnë që autorët e sulmit të vihen përpara drejtësisë, pasi sipas tyre një situatë e tillë nuk durohet më.
“Ne si klub kërkojmë të gjenden autorët e kësaj ngjarje dhe të vendosen para përgjegjësisë penale si dhe të merren masat e duhura nga policia për të shoqëruar ekipin dhe tifozët në transfertat e ardhshme. Kjo situatë po bëhet e padurueshme”, shkruhet në deklaratën e Skënderbeut.
Ngjarjen e mbrëmshme, Skënderbeu e cilëson si paaftësi dhe organizim të dobët të forcave të rendit për të disatën herë.
REAGIMI I SKËNDERBEUT
“Duke marrë shkas nga sulmi i ndodhur pas ndeshjes ndaj Tiranës dëshirojmë të reagojmë dhe të dënojmë ashpër për të disatën herë sulmet e vazhdueshme ndaj mjeteve tona të transportit. Paaftësi dhe organizim i dobët i forcave të rendit për të disatën herë. Kjo situatë duhet të marrë fund. Ti jepet rëndësi maksimale shoqërimit të ekipit dhe tifozëve nga policia deri në dalje. Nuk ka asnjë preçedent të mëparshëm ku autobuzi i ekipit shoqerohet bashkë me autobuzat e tifozëve. Pasojat i keni në foto. Dy sulme të njëpasnjëshmë. Një në afërsi të stadiumit dhe një në dalje të kryeqytetit në prani të forcave të rendit. Ne si klub kërkojmë të gjenden autorët e kësaj ngjarje dhe të vendosen para përgjegjësisë penale si dhe të merren masat e duhura nga policia për të shoqëruar ekipin dhe tifozët në transfertat e ardhshme. Kjo situatë po bëhet e padurueshme.” (D.D/Shuplaka)
Discussion about this post