Tifozët e vegjël i “luten” Messit të rinovojë kontratën me Barçën

Lionel Messi është pritur me ngrohtësi në seancën stërvitore ditën e sotme.

Sulmuesi argjentinas është “lutur” nga tifozët e vegjël të cilët kanë kërkuar qëndrimin e tij në “Kamp Nou”.

Ylli i katalanasve mendohet që mund të largohet nga skuadra, pasi akoma nuk ka vendosur të rinovojë kontratën.

Ultrasit e vegjël i kanë kërkuar 29-vjeçarit që mos të largohet, por të rinovojë kontratën me klubin blaugranë. 

Gjatë seancës stërvitore, skuadra e drejtuar nga Enrike është ndjekur nga 10,408 tifozë në stadiumin “Mini Estadi”, i cili gjendet pranë “Kamp Nou” ku luan ndeshjet Barcelona B.