Tifozët i bëjnë një surprizë ”të hidhur” Halilit, ja ç’i shkruajnë para vilës

Tifozët e skuadrës së futbollit të “Tiranës” vijojnë të jenë të zemëruar dhe të protestojnë ndaj padrejtësisë që mendojnë se u ka bërë presidenti i klubit, Refik Halili.

“Tirona Fanatics” kanë protestuar në një mënyrë ndryshe këtë herë. Ata kanë vendosur një banderolë të madhe përpara një prej pronave të mëdha që Halili ka në Tiranë.

“Vitet do kalojnë, Tirona do bohet, turpi dhe tradhtia kurrë s’do harrohet”- shkruhet në banderolën e madhe të bërë nga bardheblutë.

Vallë do reagojë Halili pas këtij “sulmi”, apo do vazhdojë stoik në qëndrimin e tij që nuk do largohet nga klubi i Tiranës deri sa bardheblutë të fitojë një ndeshje derbi? Kjo ngelet për t’u parë, ashtu siç mbetet për t’u parë reagimi i radhës tifozerik.