“Tigrat” e Arkanit, stërvitje të armatosur në Kosovë (FOTO)

Pak muaj më parë forcat paramilitare më famëkeqe në ish-Jugosllavi, kanë zhvilluar një stërvitje të armatosur në Kosovë.

“infojeta.net.” ka publikuar disa foto nga stërvistja në fjalë, ku midis ushtarëve dallon edhe Momçillo Arllov, i cili dyshohet për krime luftë të kryera në Kroaci, Bosnje dhe në Kosovë.

“Gjithmonë i bashkëngjitur njësive paramilitare apo siç njihen ndryshe “tigrave” të Arakanit si edhe të të ashtuquajturit ‘kapetan Draganit’”, ka thënë një burim për portalin në fjalë.

Ndër të tjera mësohet se ushtrimet ushtarake në bjeshkët e Leposaviqit, konkretisht në vendin e quajtur ‘malet e Kopriçevës’ janë mbajtur për 3 ditë rresht, nga 19 deri më 21 gusht të 2016, të komanduara dhe udhëhequra nga Momçillo Arllov.

“Në stërvitje kanë marrë pjesë mbi 400 pjesëtarë të njësive paramilitare nga Kroacia, Bosnja, Serbia dhe Kosova e nën survejimin e policisë së Kosovës.”, ka thënë burimi.

Në disa nga fotot dallojnë edhe oficerë të policisë së Kosovës, të cilët kanë survejuar këto ushtrime ushtarake të  pjesëtarëve të njësive speciale e paramilitare të serbëve nga e tërë ish-Jugosllavia.
[ngg_images source=”galleries” container_ids=”952″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]