‘’ Tik – tak! Tik – tak!’’, Tavo dorëzon në gjykatë PADINË për shpifje: Edhe pak kohë na ndan nga fitorja e madhe.
Deputeti i LSI-së, Vangjel Tavo dhe njëkohësisht kryesuesi i listës për Qarkun e Gjirokastrës ka paditur sot disa media për shpifje.
Ai thotë se disa portale të cilat janë dukshëm të njëanshme publikojnë lajme të pavërteta. Tavo vijon më tej duke thënë se frika e rritjes së LSI-së ka prekur ndjeshëm kundërsharët e kësaj partie.
REAGIMI I PLOTË:
Miq!
Duke ju uruar një javë të mbarë më lejoni t’ju njoftoj që sot, Dt 5 Qershor, 2017, depozitova pranë Prokurorisë së Rrethit Gjyqësor Gjirokastër, një padi penale për ‘Shpifje”, e parashikuar në nenin 120 të Kodit Penal.
Fakti i padiskutueshëm që LSI është forcë e PARË politike në qarkun e Gjirokastrës ka drithëruar e panikuar në ekstrem shumë portale të njëanshme e forca politike që fshihen pas tyre!
Sa më shumë na baltosin aq më shumë ne rritemi! Sa më shumë gënjejnë aq më shumë banorët e mbarë qarkut dhe mbarë vendit bëjnë dallimin midis pinokëve dhe të vërtetës – të vërtetës së thjeshtë që ne jemi forca e PARË politike në Gjirokastër e mbarë vendin!
Të vërtetën e thjeshtë – që teksa ata e ofendojnë popullin krenar e plot vlera të Gjirokastrës duke e simbolizuar me një thes mielli imagjinar – ne nuk do ndalemi KURRË së luftuari që çdo banor i këtij qarku të mrekullueshëm të ketë një të ardhme më të mirë, një jetë më të mirë, një shans më shumë për rininë, për arsim, punësim, shëndetësi, për të gjithë!
Tik – tak! Tik – tak!
Edhe pak kohë na ndan nga fitorja e MADHE! (E.K/SHUPLAKA)
