Kryetari i Bashkisë së Tiranës, Erion Veliaj, teksa inspektoi punimet në ambientet e reja sportive të Shkollës së Bashkuar në Verri të Shëngjergjit, deklaroi se po punohet me shpejtësi për të përmbyllur në kohë punimet e planifikuar, duke theksuar se Tirana është një qytet që ecën me marshin e pestë.
Ai u ndal tek rëndësia e bashkëpunimit mes pushteteve, të atij lokal me atë qendror, duke theksuar se edhe më 18 qershor do të vijohet në drejtimin e duhur, me Ramën kryeministër.
“Do të vazhdojmë me këtë frymë deri në fund të mandatit. Njerëzit duhet të kuptojnë se fati i investimeve të bashkisë është i lidhur me atë të qeverisë. Ndaj, në datën 18 qershor do vazhdojmë në të njëjtin drejtim, me Edi Ramën kryeministër dhe me PS-në në krye të punëve të vendit. Ndërsa ne sigurohemi që çdo ditë bëjmë nga një punë konkrete për Tiranën sepse është garancia e vetme se si transformohet i gjithë qyteti”, u shpreh kryebashkiaku Veliaj.
(XH.A/SHUPLAKA)
Discussion about this post