Tirana ka nisur përgatitjet në Antalia. Bardheblutë kanë arritur ditën e sotme në Antalia, aty ku do të zhvillojnë mini-fazën përgatitore. Skuadra ka kryer vetëm një seancë atletikë pasditen e sotme, ndërkohë që nesër do të nisë ditët me ngarkesë të lartë.
Ekipit do t’i bashkohen lojtarët që tani janë kthyer nga pushimet dimërore, Ilion Lika, Afrim Taku, Merveil, Moise dhe Olsi Teqja.
24-herë kampionët kanë njoftuar përmes profilit në “Facebook” se Ansi Nika, Gjergji Muzaka dhe Erjon Vucaj nuk kanë udhëtuar me ekipin për të zhvilluar këtë fazë.
Mbase kjo do të thotë që lojtarët kanë shkëputur kontratën me klubin kryeqytetas, ndërkohë që këta të fundit nuk janë prononcuar për këtë rast.
Gjendja e skuadrës është mjaft e mirë karshi dhe kushteve optimiale për të kryer stërvitjen gjithçka ka nisur mirë për grupin e drejtuar nga Mirel Josa.
