Një kryefamiljar në Tiranë i ka dhënë fund jetës duke u vetëvrarë me kallashnikov. Ngjarja mësohet se ka ndodhur një ditë më parë, referuar njoftimit të policisë.
Shtetasi E. B. 74 vjeç vrau veten me armë zjarri “Automatik” brenda banesës në zonën e “Xhamllikut” në kryeqytet. Mësohet se arma është sekuestruar në cilësinë e provës materiale.
Detaje nga njoftimi i policisë
“Më datë 05.01.2017, rreth orës 09:30, në rrugën “Ibrahim Brahja”, në banesë, shtetasi E. B., 74 vjeç, ka vrarë veten me armë zjarri “Automatik”, model 56, e cila u sekuestrua në cilësinë e provës materiale. Materialet i’u referuan Prokurorisë së Rrethit Gjyqësor Tiranë për veprime të mëtejshme. Parashikuar nga Nenet 99 dhe 278/2 të Kodit Penal.”
(XH.A/SHUPLAKA)
