Policia e Tiranës ka finalizuar operacionin “Location 2”, duke zbuluar një apartament të përshtatur si call center, ku mashtrues të organizuar telefononin shtetas të huaj për t’i joshur me investime në bursa fiktive.
Si rezultat, është arrestuar organizatori i skemës, shtetasi L. Xh., 37 vjeç, ndërsa 5 persona të tjerë u proceduan në gjendje të lirë. Gjithashtu, është shpallur në kërkim 37-vjeçari R. M., i cili kishte marrë me qira apartamentin në rrugën “Panorama” për të zhvilluar këtë veprimtari të paligjshme.
Gjatë ndërhyrjes, policia sekuestroi pajisje kompjuterike, celularë dhe prova të tjera materiale. Hetimet vazhdojnë për të zbardhur më tej këtë rrjet mashtrimi.
