Konflikti mes presidentit të klubit të Tiranës Refik Halili dhe tifozëve duket të ketë hyrë në një rrugë pa kthim. Ultrasit e Tiranës, “Tirona Fanatics”, kanë dalë me një reagim në faqen e tyre zyrtare në Facebook pas intervistës së presidentit të klubit, Refik Halili, për emisionin “Zona Gol” në “Supersport”.
Ata i kanë kujtuar edhe njëherë numrit 1 të klubit bardheblu se e keqja e Tiranës nuk vjen nga tifozët, por nga keqmenaxhimi, si dhe ia kanë bërë të qartë se nuk do i përçajë dot me deklaratat e tij. Në fund, një mesazh në formë ironie në lidhje me historinë që tregoi Halili për kohën kur është marrë me muzikë në moshën 16-vjeçare.
Gjithashtu pas reagimit, “Fanatics” kanë publikuar dhe një foto ku bëjnë interpretimin e fjalëve të presidentit në lidhje me shumicën dhe pakicën e tifozëve.
Reagimi i plotë i “Tirona Fanatics”
Postimi i “Tirona Fanatics” në Facebook
“Z. Ish-president,
Si fillim, urime per guximin e gjetur per te dale para kamerave dhe qe kete here nuk nxorret ndonje pjesetare te familjes per te folur ne emrin tuaj.
Shprehim keqardhje per keqinformimin mbi Tirona Fanatics, gjithmone nese eshte keqinformim. Te njejtet njerez qe ishin dikur, jane edhe sot pjese e ketij grupimi.
E keni permendur shpesh fjalen “dashakeqe” por mbase shume prej ketyre dashakeqeve jane vec pjelle e imagjinates tuaj. Krijoni armiq imagjinare per te fshehur problemet reale qe Klubi i Futbollit Tirona ka. Problemi rrenjesor i klubit ka qene dhe eshte keqmenaxhimi. Nuk eshte hera e pare, qe Tirona Fanatics protestojne mbi kete fakt. Protestat e para kane nisur qe ne vitin 2009. Vazhdimisht e kemi shprehur mendimin tone se nuk mund te kete nje klub serioz pa nje administrate te mirestrukturuar, por ju kurre nuk e keni marre parasysh kete. Thoni se tifozet shkaktojne probleme. Lutemi te na permendni vetem nje rast kur e keqja e Tirones ka ardhur prej tifozeve.
Njekohesisht luani me shprese per te krijuar percarje mes Fanatics, se gjoja disa paskan qene te mire e disa te keqinj. Por si shpjegohet qe asnje antar i Fanatics nuk eshte i pranishem ne stadium? Thoni se ne jemi vetem pakica e tifozeve. Po shumica pse nuk eshte ne stadium? Deklaroni nje here se i keni shlyer, nje here se po i shlyeni dhe nje here se do t’i shlyeni borxhet. Cila eshte e sakta?! Shpreheni se ne klub pagat jepen ne menyre te rregullt. “Fakti tregoi” rastin Muzaka me shoke.
Me keqardhje qe late boten e muzikes,
Tirona Fanatics”.
Discussion about this post