Tjetër aksident në Librazhd, 2 persona dërgohen me urgjencë në spital

Dyshohet se një parakalim i gabuar ka shkaktuar një tjetër aksident në Librazhd mbrëmjen e sotme ndërsa janë përfshirë dy makina duke shkaktuar dy persona të cilët janë dërguar me urgjencë në Spitalin Rajonal të Elbasanit.

Fillimisht u raportua për tre të plagosur, por sipas policisë të lënduar kanë mbetur  shtetasit Xh.K., Xh.K., të cilët ishin pasagjerë në mjetin tip Fugon, jashtë rrezikut për jetën.

“Në aksin rrugor Librazhd-Prrenjas, në fshatin Qukës, shtetasi E.B., banues në Elbasan, duke drejtuar mjetin tip “Alfa Romeo”, është përplasur me mjetin tip Fugon, me drejtues shtetasin E.K., banues në Elbasan.

Si pasojë e aksidentit janë dëmtuar shtetasit Xh.K., Xh.K., të cilët ishin pasagjerë në mjetin tip Fugon, jashtë rrezikut për jetën. Grupi hetimor ndodhet në vendngjarje dhe po punon për zbardhjen e shkakut të aksidentit”, shkruhet në njoftimin e Policisë.

Një aksident i rëndë ka ndodhur mëngjesin e sotëm rreth orës 08:00 në Prrenjas, në vendin e njohur si kthesat e Pishkashit ku e plagosur ka mbetur Merita Dervishaj.

Mjeti tip “VolsWagen” me targa AA035UP ka dal nga rruga dhe ka përfunduar në lumë. Raportohet se Dervishaj bashkë me dy persona të tjerë kanë mbetur të plagosur.

Fillimisht të plagosurit u transportuan në Spitalin e Librazhdit por që më pas Merita Dervishaj është nisur drejt Sp[italit të Traumës në Tiranë pasi gjendja e saj paraqitet kritike.

Nuk dihen ende shkaqet e daljes së automjetit nga rruga. Ndërkohë policia mbërriti në vendin e ngjarjes dhe po punon për zbardhjen e plotë të aksidentit.

(F.GJ/FAXWEB.AL)