Tjetër aksident në Librazhd, përplaset furgoni i pasagjerëve me autoveturën, 10 persona të plagosur

Para pak minutash një tjetër aksident i rëndë ka ndodhur në aksin Librazhd-Elbasan. Sipas informacioneve paraprake dyshohet se 10 persona kanë mbetur të plagosur nga përplasja e një furgoni pasagjerësh më një autoveturë. Përplasja ka ndodhur te vendi i quajtur “Kthesa e Murrashit”. Të përfshirë në aksident janë furgoni me targa “AA 297 UO” dhe autovetura me targa “DR 3997 F”.

Policia dhe ambulanca kanë mbërritur në vendin e ngjarjes.

Njoftimi i policisë

Në aksin rrugor Elbasan- Librazhd, në vendi e quajtur “Ura e Murrashit”, mjeti mikro autobuz me targa AA 279 UO, me drejtues shtetasin B.D., 54 vjeç, banues në Kuçovë, është përplasur me mjetin tip “Land Rover” me targa DR 3997 F me drejtues shtetasin A.N. 35 vjeç, banues në Durrës.

Si pasojë e aksidentit janë dëmtuar 9 pasagjerë të dy mjeteve të cilët janë dërguar në spitalin e Librazhdit dhe janë jashtë rrezikut për jetën.

Grupi hetimor po punon për zbardhjen e shkakut të aksidentit.