Kreu i qeverisë Rama ka qenë sot i pranishëm në Lezhë për tu konsultuar në lidhje me buxhetin e vitit 2018.
Ndërkohë që gjatë takimit ka pasur dhe një debat me pyetje përgjigje me qytetarët e pranishëm. Mirëpo si përherë edhe në këtë takim kryeministri tentoi të bënte debat me një nga qytetarët.
Kur ai e pyeste Ramën nëse do të jepte ndonjë lekë për Shoqatën e të Përndjekurve Politikë, Rama iou shmang një përgjigje të drejtpërdrejtë duke filluar me politikë.
Qytetari, me gjithëq qetësinë e tij, iu drejtua kryeministrit me fjalët ‘’faleminderit po nuk mora përgjigje”.
REPLIKAT MES RAMËS DHE QYTETARIT:
Qytetari: A ka mundësi që Ministria e Financave të japë ndonjë lekë për Shoqatën e të Përndjekurve
Rama: Këtu ka ndodh një diçka e paimagjinueshme që ka nisur dëmshpërblimi me trashëgimtarët dhe jo me vetë të përndjekurit.
Qytetari: Unë nuk kam ardhur që të bëjë këtë debat këtu
Rama: Jo, jo nuk po e them për debat po kështu ka ndodhur ndërkohë që ne po bëjmë një diçka krejt tjetër, ne kemi rritur fondet…
Qytetari: Nuk mora përgjigje po faleminderit!
Nuk do ishte hera e parë në fakt që kryeministrin tjetër gjë e pyet dhe tjetër të përgjigjet…(E.K/SHUPLAKA)
