Tjetër incident elektoral, goditet me mjete prerëse një militant partiak në Bërxullë (DETAJE)

Një tjetër incident elektoral është shënuar së fundmi. Ngjarja ka ndodhur në fshatin Bërxullë, në një lokal të shndërruar në zyrë elektorale në kuadër të zgjedhjeve të 25 qershorit.

Bëhet fjalë për një sherr mes militantësh që ka degraduar në përdorimin e mjeteve prerëse. Konflikti ka ndodhur mes shtetasit N. P.  rreth 45 vjeç dhe A. S. 40 vjeç. Si pasojë e sherrit mes tyre, ka mbetur i plagosur shtetasi 40-vjeçar që ndodhet jashtë rrezikut për jetën.

“Rreth orës 12:05, gjatë këtij takimi ka patur një konflikt midis shtetasit N. P., rreth 45 vjeç dhe shtetasit A. S., rreth 40 vjeç.Konflikti ka degraduar në plagosjen me mjete prerëse të shtetasit A. S., i cili ndodhet në Spital, nën kujdesin e mjekëve jashtë rrezikut për jetën. Shtetasi N. P., ndodhet i shoqëruar në ambientet e Komisariatit të Policisë Vorë. Grupi hetimor në vendin e ngjarjes po punon për sqarimin e rrethanave të konfliktit.”, bëhet me dije në njoftimin e policisë.

(XH.A/SHUPLAKA)