Një tjetër kamion që transportonte 190 kilogramë kannabis, është kapur nga policia kufitare në Durrës.
Lënda narkotike ishte ndarë në 58 pako.
Drejtuesi i mjetit Erblin Tuga, 33-vjeç, është kapur në flagrancë nga forcat policore. Tuga po tentonte të kalonte lëndën narkotike në anën tjetër të Adriatikut.
Policia po punon për zbardhjen e detajeve të tjera të ngjarjes.
Vetëm pak ditë më parë, është kapur sërish në Durrës një mjet që transportonte 700 kilogramë kannabis në portin e Durrësit.
Mjeti me mallra të subjekteve fason po nisej drejt Italisë. Autori është arrestuar.
