Tjetër krizë te VV-ja, jep dorëheqjen Dardan Sejdiu

Dardan Sejdiu, nënkryetar i Vetëvendosjes ka dhënë dorëheqjen nga të gjitha pozitat e tij drejtuese në këtë parti.

Sejdiu e ka konfirmuar për KTV lajmin në lidhje me dorëheqjen e tij.  Sejdiu më pas i ka dërguar një letër partisë, ku mësohet se ka dhënë dorëheqjen nga posti i nënkryetarit të parë, Kryesisë dhe Këshillit të Përgjithshëm të Lëvizjes Vetëvendosje, ndërsa ka njoftuar se veprimin e tij politik do ta vazhdojë si deputet dhe anëtar i VV-së.

Kujtojmë se së fundi dhanë dorëheqje edhe Visar Ymeri dhe Aida Dërguti. Prej disa kohësh, që prej arrestimit të Albin Kurtit brenda VV-së ka pasur një sërë përplasjesh.

(E.K/FAXWEB)