“Tjetër lajm i zi…këtë s’na e ka bërë as turku!”

Deputeti i LSI-së njëherësh edhe anëtar i Komisionit të Ekonomisë, Përparim Spahiu e ka konsideruar një lajm të zi rekordin negative të administratës tatimore e cila ka mbledhur gjatë muajit shtatorë 13% më pak të ardhura se plani i parashikuar.

Të dhënat zyrtare nga Ministria e Financave tregojnë se nga 100 milionë euro të ardhura që ishin parashikuar të mblidheshin në shtator, Administrata Tatimore ka mbledhur vetëm 87 milionë euro me një mosrealizim prej 13 milionë eurosh. 

Spahiu thotë se atë që po i bëjnë këtij vendi as turku nuk ia ka bërë, duke kujtuar se tre ditë më parë na shitën lajmin e 70 mijë vendeve të reja të punës.

POSTIMI I PLOTË:

Tjetër lajm i Zi…!!

Të ardhurat në Shtator 13% më pak se plani.

Rënie tatimi mbi të ardhurat personale.

Po si mund të arkëtohen më pak kur tre ditë më parë na shitën lajmin e 70 mijë vëndeve të reja pune?

Po si mund të realizohet më pak kur investimet e huaja na qënkeshin rritur me miliona euro?

‪Mashtrime ditën për diell…!!

Atë që po i bëjnë këtij vëndi këta, as turku nuk e ka bërë…!!!

(B.H/Shuplaka)