Tjetër makinë shpërthen në flakë gjatë natës, në pronësi të 20-vjeçarit nga Vlora (VIDEO)

Tjetër makinë shpërthen në flakë gjatë natës, në pronësi të 20-vjeçarit nga Vlora. Ngjarja ka ndodhur rreth orës 3 të mëngjesit të sotëm. 

Vendi ku ka ndodhur shpërthimi ndodhet në ”Rrugën e re”, ndërsa mjeti ka qenë me targa ”AA 295 MX”. Paraprakisht dyshohet se djegia e mjetit ka ndodhur aksidentalisht. Mjeti ka qene në pronësi të shtetasit Eliot Sulçaj, 20 vjeç. 

Informacion paraprak

Më datë 28.11.2017, rreth orës 02:35, Salla Operative Vlorë është njoftuar nga një telefonatë se në lagjen ”Lirim”, ka marrë flakë një automjet. Policia dhe shërbimi zjarrëfikës kanë shkuar pranë vendit të ngjarjes ku kanë bërë të mundur edhe shuarjen e flakëve.

Nga verifikimet paraprake dhe deklarimet e marra nga personat e pranishëm ka rezultuar se mjeti tip ”Jeep”, në pronësi të shtetasit E.S., 20 vjeç, banues në lagjen Lirim, ka marrë flakë aksidentalisht dhe është dëmtuar në pjesën e përparme tek motorri. Grupi hetimor po punon për përcaktimin dhe zbardhjen e plotë të rrethanave të ngjarjes.

(E.K/FAXWEB)

https://www.youtube.com/watch?v=k26uh7ncGXk&feature=youtu.be